កម្លាំងនគរបាលខណ្ឌឫស្សីកែវឃាត់ខ្លួនជនសង្ស័យម្នាក់ពាក់ព័ន្ធករណីលួច
15-November-2018 | ដោយ ពលមនសិការ
ភ្នំពេញ៖ កម្លាំងនគរបាលខណ្ឌឫស្សីកែវឃាត់ខ្លួនជនសង្ស័យម្នាក់ពាក់ព័ន្ធករណីលួច នៅវេលាម៉ោង៣និង៤០នាទីយប់ ឈានចូលថ្ងៃទី១៥ ខែវិច្ឆិកា ឆ្នាំ២០១៨ នៅចំណុចឃ្លាំងលេខ១២K ផ្លូវ១៨០០ ក្រុមទី៤ ភូមិទួលពពែរ សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ។
លោកវរសេនីយ៍ទោ គល់ យី អធិការនគរបាលខណ្ឌឫស្សីកែវបានឲ្យដឹងថាជនសង្ស័យឈ្មោះ កែវ នឿន ភេទប្រុស អាយុ៣១ឆ្នាំ ស្នាក់នៅផ្ទះជួល ផ្លូវបេតុង ក្រុមទី១៤ ភូមិបឹងសាឡាង ខណ្ឌឫស្សីកែវ រាជធានីភ្នំពេញ(ធ្លាប់ប្រើប្រាស់សារធាតុញៀន)។ ចំណែកជនរងគ្រោះឈ្មោះ ហូយ សុគុន ភេទប្រុស អាយុ៣៩ឆ្នាំ ស្នាក់នៅ ផ្ទះកេខ៦៥៦ ផ្លូវ១២៨ ភូមិ៤ សង្កាត់ផ្សារដេប៉ូទី២ ខណ្ឌទួលគោក រាជធានីភ្នំពេញ មុខរបរ យោធា ។
សម្ភារៈវត្ថុតាងរួមមាន៖ដែកមូលប្រវែង៥០សង្ទីរម៉ែត្រចំនួន៤ដើម (របស់ជនរងគ្រោះ),ម៉ូតូសណ្តោងរ៉ឺម៉កអេតចាយ១គ្រឿង ម៉ាកសេ១០០កូរ៉េ ពណ៌ក្រហម ពាក់ស្លាកលេខ ផ៩៥៦៨ ភព១ លេខតួ រលុប លេខម៉ស៊ីន 1127909 (ម៉ូតូរបស់ជនសង្ស័យសំរាប់ធ្វើសកម្មភាព)។
លោកអធិការបន្តថា មុនពេលកើតហេតុវេលាម៉ោងខាងលើជនរងគ្រោះជនរងគ្រោះបានចេញពីផ្ទះមកមើលឃ្លាំងខាងលើមកដល់ក៏ឃើញជនសង្ស័យឈ្មោះ កែវ នឿន កំពុងធ្វើសកម្មភាពចូលទៅក្នុងឃ្លាំង ហើយទូរស័ព្ទហៅសមត្ថកិច្ចអោយមកជួយអន្តរាគមន៍ ស្របពេលកម្លាំងយើងកំពុងល្បាត ក៏បានចុះទៅអន្តរាគមន៍ចាប់បានជនសង្ស័យតែម្តង ។ បច្ចុប្បន្នកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីអនុវត្តតាមនិតិវិធី៕
ចំនួនអ្នកទស្សនា
- ថ្ងៃនេះ14731
- ម្សិលមិញ11441
- សប្តាហ៍នេះ44561
- ខែនេះ159711
- ឆ្នាំនេះ159711
- សរុប20602167